老厝邊 (Closed)

上個星期睇番去台灣嘅相，今日終於忍唔住要去食台灣麵，台灣的古早味「老厝邊」好，坐低睇吓有咩好食先。秘製麻辣牛肉麵，雖然湯底係中辣，辣味係可以接受，唔會過辣。三塊超厚嘅牛𦟌，炆得又腍食落又柔軟，麵質食落彈牙爽口，好味！大腸麵線，麵線幼身可口，湯底食到台灣嘅味道，大腸處理得好好，冇嗰陣怪味。滷原隻雞髀便當，朋友仔話要有肉有飯落肚先夠實在，雞脾啖啖肉，仲有台灣滷豆腐，正！冬瓜茶加仙草，飲落涼浸浸，同滑嘟嘟仙草好夾。珍珠黑糖鮮奶，黑糖嘅甜味，加上鮮奶嘅滑香，仲有粒粒彈牙珍珠，仍然係我最愛飲品嘅首位。