風雲丸

Open Now

Now Closed

呢次同朋友食的是源自日本的拉麵-風雲丸，睇佢招牌同設計風格麵有濃濃的日本味道，就覺得好有意思。一入到去，就主動有人推介招牌的拉麵，我同朋友就一於試下，點餐後無聊，發現枱上都放了幾多的調味料及拉麵店必有的冷水，呢點做得幾好，因為有時想飲水，唔使成日舉高手叫店員，岩曬我呢啲懶人。由於拉麵是即製，所以大約等了10分鐘，呢款豚骨魚介拉麵，一上黎已經熱騰騰，先試一試湯底，濃厚的豬骨味，好香好香，所以我飲了很多先開始食麵，拉麵泡在湯中，自然很吸味，而且煮的時間恰當，軟硬適中，幾高質，豬肉的部分很厚身，而且很軟，咬落即化，呢種感覺很好。埋單大約$100一個人，尖沙咀黎講唔貴，食得過。