Video
Read full review
2025-01-13
2563 views
去開啟德工作，見到Dorsett酒店有間新開張試業中嘅西班牙菜，即刻忍唔住嚟個chill lunch嘆下🤪呢度嘅環境好有歐洲小餐館嘅感覺，菜式都係經典嘅西班牙菜🇪🇸不過就加入四川菜元素🌶️變成一道道fusion菜式，幾特別😎菜式價錢唔算貴，一系列西班牙飯有分小／大size，小只需$138，大size$168，小嘅都夠1－2個人食，份量不少👏🏻只係酒店位置較為隔涉，主要都係吸酒店客，如果要吸街外客可能要推出更多優惠了。🥠金華火腿可樂餅 $38食西班牙tapas經常會見到炸薯波croqettes，呢度就加入中式元素－金華火腿🍖變成fusion版本。食到薯蓉嘅軟滑同埋少少火腿嘅鹹香，不過可樂餅唔夠脆身。🥘招牌西班牙飯 $138通常食西班牙飯都係以海鮮入饌，呢個豬肉版本比較得我歡心，值得推介👍🏻飯粒飽滿煙韌，旁邊有飯焦。豬肉粒好似煙肉般煙煙韌韌又香口，豬油混入飯粒，加上少少辣嘅蛋黃醬，味道豐富😋🥘傳統西班牙海鮮飯 $138海鮮有大蝦、青口、魷魚、蜆等，份量不少🥳飯粒乾身，略嫌硬咗啲啲，味道就正正常常。🥩香辣牛側腹短麵 $138短麵都值得一試。幼身似天使麵嘅短麵沾滿微辣惹味嘅青醬，幾惹味😛牛側腹頗
🥠金華火腿可樂餅 $38
食西班牙tapas經常會見到炸薯波croqettes，呢度就加入中式元素－金華火腿🍖變成fusion版本。食到薯蓉嘅軟滑同埋少少火腿嘅鹹香，不過可樂餅唔夠脆身。
🥘招牌西班牙飯 $138
通常食西班牙飯都係以海鮮入饌，呢個豬肉版本比較得我歡心，值得推介👍🏻飯粒飽滿煙韌，旁邊有飯焦。豬肉粒好似煙肉般煙煙韌韌又香口，豬油混入飯粒，加上少少辣嘅蛋黃醬，味道豐富😋
🥘傳統西班牙海鮮飯 $138
海鮮有大蝦、青口、魷魚、蜆等，份量不少🥳飯粒乾身，略嫌硬咗啲啲，味道就正正常常。
🥩香辣牛側腹短麵 $138
短麵都值得一試。幼身似天使麵嘅短麵沾滿微辣惹味嘅青醬，幾惹味😛牛側腹頗有咬口，中間juicy，牛味重😙
🍫西班牙油條配辣朱古力醬 $68
食西班牙菜點少得食churros😏呢度就做得超級無敵酥脆卻毫不油膩。朱古力醬加入辣椒，辣味有少少刺激，幾特別😆
🍨荔枝雪芭配香濃烏龍茶漬水蜜桃 $58
最後要食返個雪葩清清味蕾，解解辣😚呢個雪葩味道好清新，不過荔枝味唔算突出。配爽口juicy嘅漬水蜜桃粒🍑
🍍菠蘿汁 $48
推介指數（10分為滿分）：7.5分
Post
