🌶️「四川辣妹子」呢度最吸引我嘅，絕對係【辣妹初體驗🌶️】
兩個怕辣女生挑戰川菜K場！「原來我哋都得？！」
唱住K打邊爐
「吓？去川菜館唱K？仲要任食麻辣？」
同閨蜜朱朱講起呢間餐廳，
佢即刻皺眉：「我哋食到辣咩？」
但見到可以無限時邊唱邊食，
我哋兩個「又貪玩又唔捱得辣」嘅女生決定——挑！戰！自！己！🔥
🌶️ 第一步：開胃小食驚喜登場
一坐低，就點左唔同既涼拌小食！
我同朱朱戰戰兢兢試咗第一啖魚皮！正！爽脆到咔嚓聲，
滷水豬耳微辣香口，最驚喜係炸雞軟骨，
香脆過癮！竟然越食越上癮！
雞亦夠晒鹽香，炸饅頭又脆又甜！
🦞 第二步：海鮮拼盤原汁原味
見到隔離枱個海鮮盤超豐盛，
我哋即刻嗌咗清蒸版本（膽小二人組避開麻辣選擇😂）。
鮑魚同扇貝上枱時仲冒緊煙！大蝦勁蒜香！彈牙爽甜！
蟶子鮮甜無沙，最正係底層吸滿海鮮精華嘅粉絲～
朱朱食到雙眼發光：「好味！」
🍲 第三步：藥膳雞湯鍋大逆轉！
掙扎咗15分鐘揀鍋底，最後揀咗聽落最溫和嘅✨藥膳雞湯鍋✨
——點知成為全晚MVP！
湯底滾起時藥材香噴噴，雞件嫩滑得嚟仲有紅棗同杞子，
我哋未涮料就先飲咗2碗湯！
🥬 第四步：火配料自由配
超過50款配料任揀！我哋保守派出動：
粟米索滿甜湯汁、芋絲爽脆吸味、
豚肉、牛肉片輕輕一涮就食得～
雞件都非常鮮滑
🎤 第五步：唱K減辣大作戰
飽到捧住個肚，係時候拎咪發泄！
呢度唔洗怕羞，唱到走音都冇人理～
PS 呢度原來有VIP房
人多的聚會，可以私密地同老best 大食大唱！
餐廳：四川辣妹子
地址：尖沙咀山林道30-32號昌林閣1樓
