喜來稀肉 (Closed)

好鍾意食韓式燒肉嘅朋友今次book咗呢間網上好多好評嘅餐廳韓燒，不過今次嘅用餐經驗物真係麻麻哋。首先佢哋就有限時90分鐘，係book枱嘅時候都有提到呢一點，不過佢哋嚴重人手不足，成個場只有兩三個侍應招呼，等落order已經曬咗好多時間，上菜亦唔係快，可以開始燒已經無左差唔多半個鐘，燒完第一輪有少少唔夠喉，想再加嘢時侍應就同我地講，我哋嘅用餐時間就嚟夠，建議我哋唔好再加，咁佢講到咁白，都唔好意思食落去快快趣埋單走人，整體食物都算正常，係個水冷麵黐埋一舊有啲肉酸，但係咁樣趕客真係食得唔係幾開心，而且都唔係平，應該就冇下次。