📍地址：銅鑼灣金朝陽中心二期 Midtown 8/F
好友生日想食壽喜燒，上網搵左好耐，睇中呢間日式放題店，可以任食壽喜燒、日本和牛、海鮮，而家仲送原隻龍蝦刺身！一個價錢可以食到咁多野，性價比超高啊！！
新開嘅肉佐位於銅鑼灣，套餐分五個等級，今次試咗最高級別既Level 5，食齊115品，包括嚴選山形縣產藏王和牛、刺身、壽司、海鮮、各款炸物、火鍋配料、自家製甜品、飲品，真係豐富得過分！！！
推介以下必食比大家：
原隻龍蝦刺身，口感爽口彈牙，肉質飽滿細嫩，食落啖啖爽脆鮮甜！
嚴選山形縣產藏王和牛，色澤鮮艷，肉質細膩且帶有恰到好處之油花，配以壽喜燒食法，索滿香甜醬汁，入口即化，於嘴內散發鮮甜肉香！
刺身，除咗有季節魚仲有厚切三文魚，細滑無筋，帶豐富肉質口感及油脂！
壽司拼盤，擺盤精美夠哂吸晴！最愛大拖羅，脂肪相當多，入口富天然魚油脂甘香，入口即溶超肥美！！
炸物，超級多選擇，熱辣辣炸起特別滋味！推介蟹肉忌廉薯餅，外層香脆、油而不膩，咬開內餡軟滑細膩～另外，日本廣島蠔、芝士年糕、炸雞都相當出色！
黎到自助區，除咗有擺放整齊既火鍋配料，仲有咖喱飯、關東煮，人氣百味堂雪糕同大人小朋友都咁鍾意既棉花糖！無限任食真係超級滿足我呢個甜品控啊！
