一日三餐 (Closed)

今朝返工前又嚟食早餐鋪面光猛乾淨，位又闊落，店員又主動幫手今日食明太子蛋沙律包配薯餅，飲茶走明太子蛋沙律餡多到滿瀉，啖啖都有好足夠嘅餡，包用咗嘉多娜嘅法包，好煙韌好好咬，薯餅本身好綿，如果炸耐少少再脆啲就perfect，個包配薯餅嘅份量係好足，會食到好夠飽，杯茶走茶味濃，好提神，個人鍾意多少少煉奶呢度朝早都keep住有人，但又唔會好嘈，食完嘢慢慢坐多陣嘆杯茶，店員唔會俾signal你示意快啲走，可以好悠閒咁享受，值得一讚！