帝樂德國餐廳 (Fashion Walk) (Closed)

今晚同幾位愛好啤酒嘅朋友嚟到帝樂德國餐廳，想喺呢個德國啤酒節期間，享受一啲經典美食。餐廳嘅氛圍非常熱鬧，啤酒、美食同笑聲充滿整個空間，令人感受到濃厚嘅節日氣氛。我哋試咗幾款節日精選，德國圖林根豬肉腸配焦糖蘋果同酸椰菜，豬肉腸嘅口感十分扎實，嚼落去非常滿足。焦糖蘋果帶來嘅甜味，亦為豬肉腸增添咗一絲清新，酸椰菜平衡咗整體味道，食得唔會太膩，搭配非常好。德式薯餅係將薯仔刨絲，磋成餅形煎熟，薯餅外脆內軟，口感相當好，而帶子、蝦、青口配蜆肉洋葱忌廉汁，海鮮嘅鮮味十分突出，特別係帶子同蝦，味道鮮美。其他菜色口感味道也好好，不但保留咗德國傳統風味，仲加入咗一啲創新元素，令人有新鮮感。店員亦非常友善好客，下次要試埋佢地既餅房，聽說蛋糕也是一絕。