Video
Read full review
2024-06-18
145 views
聽講中環利寶會館出咗個叫「那些年懷舊經典菜式」嘅套餐，而家出街食飯大家都貪新鮮，或者食外國料理，好少話食中菜，所以今日搵埋鍾意食中菜嘅朋友一齊去試吓❣️ 燒雲腿玻璃蝦 ⭐️⭐️⭐️⭐️擺盤好靚，中間嘅玻璃蝦爽脆🦐 原本諗緊隔籬嗰塊炸物係乜嘢，咬咗啖原來係雲腿，感覺好似金華火腿咁，鹹香味好足夠，配合玻璃蝦一齊食又係第2種食法，側邊有少少蝦醬，我個人鍾意食濃味，點埋一齊食又係另一種層次！蟹肉冬茸羹 ⭐️⭐️⭐️⭐️⭐️聽講早期廣東省嘅人，夏天必食冬茸羹，加埋蟹肉更上一層樓，係一道好傳統嘅菜式😙 冬瓜蓉食落口清淡爽口，感覺營養好豐富，加埋啖啖蟹肉，誠意推介一定要試👍🏻奇妙醬螺片 ⭐️⭐️⭐️⭐️⭐️呢味菜係凍盤，奇妙醬原來即係沙律醬+wasabi😋 冇諗過呢2樣材料可以配搭埋一齊！食第1塊已經覺得好有驚喜，螺片爽口，配合滑捋捋、味道又酸酸地嘅奇妙醬，感覺好特別！千祈唔好錯過底下嘅菠蘿粒同青瓜粒，同樣好食👍🏻古法生扣鴛鴦雞 ⭐️⭐️⭐️⭐️鴛鴦雞用大量香蔥做配料，好好奇個醬汁係點樣整？因為個醬汁好香濃，每一嚿雞都掛上咗醬汁，如果用嚟送飯應該可以食多幾碗😋鴨汁津菜包 ⭐️⭐️⭐️⭐️⭐️將大量菌類、木耳等蔬菜切成絲，再用津白包住，面頭嘅鴨肉味
燒雲腿玻璃蝦 ⭐️⭐️⭐️⭐️
擺盤好靚，中間嘅玻璃蝦爽脆🦐 原本諗緊隔籬嗰塊炸物係乜嘢，咬咗啖原來係雲腿，感覺好似金華火腿咁，鹹香味好足夠，配合玻璃蝦一齊食又係第2種食法，側邊有少少蝦醬，我個人鍾意食濃味，點埋一齊食又係另一種層次！
蟹肉冬茸羹 ⭐️⭐️⭐️⭐️⭐️
聽講早期廣東省嘅人，夏天必食冬茸羹，加埋蟹肉更上一層樓，係一道好傳統嘅菜式😙 冬瓜蓉食落口清淡爽口，感覺營養好豐富，加埋啖啖蟹肉，誠意推介一定要試👍🏻
奇妙醬螺片 ⭐️⭐️⭐️⭐️⭐️
呢味菜係凍盤，奇妙醬原來即係沙律醬+wasabi😋 冇諗過呢2樣材料可以配搭埋一齊！食第1塊已經覺得好有驚喜，螺片爽口，配合滑捋捋、味道又酸酸地嘅奇妙醬，感覺好特別！千祈唔好錯過底下嘅菠蘿粒同青瓜粒，同樣好食👍🏻
古法生扣鴛鴦雞 ⭐️⭐️⭐️⭐️
鴛鴦雞用大量香蔥做配料，好好奇個醬汁係點樣整？因為個醬汁好香濃，每一嚿雞都掛上咗醬汁，如果用嚟送飯應該可以食多幾碗😋
鴨汁津菜包 ⭐️⭐️⭐️⭐️⭐️
將大量菌類、木耳等蔬菜切成絲，再用津白包住，面頭嘅鴨肉味道香濃，津菜包被鴨汁籠罩住，咬開嘅時候連埋入面一絲絲嘅食材，味道濃郁，非常入味有層次😳
砂窩鮑魚雞粒飯 ⭐️⭐️⭐️⭐️
食中菜點少得食飯？原隻鮑魚，肉質好腍好好食😌 雞粒飯勁惹味，一人一個砂鍋仔好得意，雖然食到後尾飽飽地但我都忍唔住食晒，因為個飯配搭醬汁實在太惹味，仲有大量雞粒同香蔥，啱晒我口味！
生磨蛋白杏仁茶 ⭐️⭐️⭐️⭐️⭐️
杏仁茶係我最鍾意嘅甜品之一，尤其食完中餐之後，一定會覺得食返碗杏仁茶先至係完美嘅ending ！呢度嘅杏仁茶蛋白唔算多，但係杏仁磨得好滑，味道亦都好濃郁，如果可以大碗啲，我就會更加滿足🤭
燒雲腿玻璃蝦
2 views
0 likes
0 comments
蟹肉冬茸羹
1 views
0 likes
0 comments
奇妙醬螺片
0 views
0 likes
0 comments
古法生扣鴛鴦雞
0 views
0 likes
0 comments
鴨汁津菜包
0 views
0 likes
0 comments
砂窩鮑魚雞粒飯
0 views
0 likes
0 comments
山楂卷芝麻卷
0 views
0 likes
0 comments
生磨蛋白杏仁茶
6 views
0 likes
0 comments
Post
