河內大娘越南餐廳 (Closed)

一黎就叫左個沙律，好清爽開胃！好有咬感！無論泰定越，都一定會叫墨魚餅. 第一野咬落去係：好彈牙！😂 真係好彈牙！牛油雞翼都幾香口.馬拉盞份量好大，四個女仔食都食唔晒😂😂第一次用生菜包住春卷食！一整好上台，咬落去勁熱，清清淡淡，我幾中意！清淡的大娘重牌火車頭，勁大碗！一個人係絕對食唔晒！仲有好多配料，幾抵食下.順化粉- 係豬腳呀！係骨膠原啊！哩個微辣，但okay嘅，接受到！老闆推薦我地食哩個糯米酒雞. 我地好奇就叫半隻. 真係好味！ 比起啲雞更喜歡佢啲糯米，係入味！好正，又有咬口！ 酒味唔重嘅，所以放心唔會醉！😂 食嘅時候老闆佢地都會過黎問啲野食o唔okay，傾下計，無論食物定服務態度都不錯！