.
首先餐廳裝修好靚
暖色系木材為主，店內燈光充足（相當光猛），牆壁掛上燈籠、海報做裝飾。
.
行入門口就見到海鮮缸，最特別店內設有獨立榻榻米包廂，要除鞋換拖鞋入內，仲可以關門攞返d私隱。
.
因為本身冇諗住要寫食評，所以食咗好多嘢都冇影相。。。請見諒
.
壽司質素都OK嘅，正正常常咁。
啲飯啡啡地色似係調左味，但食落又唔覺。
.
推薦：
海膽
冇怪味 冇腥味 但未到甘香 但幾新鮮肉類串燒
配搭特別之餘燒得好香雞泡魚乾
好林好惹味 食唔停口！神奇炒麵
淡淡咖喱味，彈牙多餸
全晚覺得最好味嘅嘢，好香黑糖味
會為咗佢返轉頭。
.
正正常常系列：
壽司🍣
天婦羅
海膽蟹肉忌廉餅
鹽燒花魚 聞落腥但食落OK
.
伏：
菜類串燒
叫啲青椒仔、蘆筍串都好苦
除咗冬菇OK嘅！！.
史上最伏兼覺得好唔抵系列：
佢哋係令我忍唔住要上黎評下理
唔明點解可以圖片不符到咁嘅地步
芝士忌廉意粉 （額外加海膽）
佢有分（2人份量）/（3-4人份量）
我哋叫咗三至四人份量 $246
一上枱全場呆左😧😧❓❓❓
佢得一隻普通飯碗咁細，咁樣係三至四人份量？
黑人問號🤷🏾♀️🤷🏾♀️
見到佢賣點係話放喺啲芝士輪上面炒
食過芝士意粉都知道正常咁一定好濃芝士味
但佢冇落酒燒，落啲芝士粉就算，純粹將啲意粉放喺上面撈幾下做樣子。
而且佢唔係意粉，係扁身嘅烏冬-.-
所以根本入唔到味，連少少芝士味都冇。
就好似食緊—》扁烏冬撈忌廉。
大佬呀你啲食材好興香？使唔使咁hea...仲要咁細份量收咁貴
呢個真係好想影相，但可惜嗰陣冇，大家想知有幾伏自己試吓叫🤪
#嬲
.
遇到第二個大伏，今次就醒自己一定要影相
正所謂有圖有真相。。。
自己睇
公道講句，呢個唔算好難食，無論係雪糕定糯米糍餡，蜜瓜味係幾香同幾自然。
.
不足地方：糯米糍皮 雪到乾硬哂。
.
其實細杯左都算，啲餡同圖片都唔同，有冇諗過如果係小朋友叫會幾失望，作為顧客真係有種俾人欺騙嘅感覺。
.
