首先環境設計差，音樂燈光同餐廳食物唔配搭。唔明點解播啲歌播到落club噉款，超大聲轟炸，莫講話傾計，舒適地享受美食都難。畢竟晚上7點嚟到係想幽靜而浪漫地享用西餐，未係想飲酒high返下😓。
差唔多食完飯先有live band出現，如果唔係我用餐體驗應唔會咁差🤮。
況且一啲都唔chill，上完一樣即刻上一樣，而枱細盤大，容納唔到幾樣餸，催促我哋快啲食完咁好緊張，同時職員好頻密行過嚟換碟，明明無需要，貼心都變成壞事🤷♀️。
落返樓下發現樓下係無咁嘈吵，適合畀人傾下計～
食完依餐飯望到依間嘢咁多好評，我都懷疑人生，希望唔係因為請人試食買好評啦。
『威靈頓美國特級牛柳 $368』
．滿心期待嚟試製作繁複嘅威靈頓，但好失望水準差
．酥皮唔鬆化
．牛柳好可怕係無牛味
．更無黑松露味
．牛柳冧無筋，生熟程度恰好係讚嘅
『英式煙燻醬燒西班牙黑毛豬肋骨 bite $138』
．今餐惟一合格嘅食物
．豬肋骨燒烤醬入味
．但骨肉難以分離，比較韌
．捲心菜沙律更討喜，開胃！
『黑松露菌醬海爐魚柳貓耳粉 $188』
．黑松露幾少仲要無味，到底用咩黑松露
．無諗到係有湯，睇菜名期望係醬汁嚟，而湯並無特別
．條魚凍咗少少仲有啲腥......
．自家出品嘅cocktail，右邊個個係用咗茶溝酒，幾特別嘅，但貴
