出面睇Chilli Lime並唔大 行到入去先發覺另有洞天 可以同男朋友痴住咁食飯真係開心😛
呢度除左出名既泰國菜 仲有馬拉菜新加坡菜 名副其實可以食盡東南亞😱
由於我地一心想食泰菜 所以叫左原隻炭燒魷魚 馬拉盞通菜 同泰式濕炒河粉🤤
魷魚大大隻 啖啖肉既感覺真係好爽😎
點埋個甜酸醬就一流 酸酸甜甜仲有少少辣😆
馬拉盞通菜就一句講曬！性價比勁高🙈
呢個菜式超惹味 所以係其他泰國餐廳每次都好快食曬 唔多夠喉🤨
估唔到呢度既份量咁足 可以由頭食到尾 飽曬🤤
呢個河粉就咁睇相都知佢超多料🥸
芥蘭椰菜花牛肉紅蘿蔔已經鋪滿到睇唔到河粉🤣🤣
又係一道食落去比睇相更滋味既菜式😘
鐘意泰式河粉既朋友不妨試試😎
最後一定要讚下每張枱都有消毒搓手液提供 衛生值滿分❣️
