岩鹽日本料理 (MOKO新世紀廣場)

Open Now

Now Closed

今晚黎MOKO呢間岩鹽，知道銅鑼灣有一間，但一直未有機會食，今日黎當然食下特式釜飯。釜飯好似煲仔飯，但用個好似飯煲嘅碗裝住，黎到有個倒數一分鐘嘅漏斗，夠鐘就食得。今日點左鵝肝牛小排釜飯（$148），有四塊牛小排，大概7成熟，無筋，正！飯入面有蛋絲、芽菜、蝦米、菇、栗子、豆，用料記豐富。先加醬汁拌勻，跟住可以另外用湯變茶漬飯，會直接食。釜飯雖然做唔到煲仔飯嘅飯焦脆脆，但味道都幾有煲仔飯風味。飯量好多，大概兩碗飯。另外要多個前菜，黑松露雜菌玉子燒（$68），係原塊上，自己動手切，入面雞蛋好軟好滑，黑松味好香，配合雜菌味道更昇華，中間亦有蜜糖調味，甜甜地真係好正，迅速被我食曬。飲品點左熱柚子蜜（$25），暖暖身。呢度環境幾靚，裝修幾高級，好多卡位，店舖面積好大。侍應亦好有禮貌。