餐廳環境好大 個設計好簡潔又不失異國風情
目測店員應該都係印度人
menu係有中英對譯 唔擔心會睇唔明
花多眼亂既狀況下 單係薄餅既款式已經多到唔識揀
唯有叫店員介紹一下佢地既皇牌
最後決定要一個雞肉瑪沙拉同一份原味酥餅
等左十分鐘左右已經上齊菜 好快手
個咖哩有驚喜
係上菜個陣就聞到淡淡咖喱味道
個人覺得個辣度可以稍稍再濃啲
如果唔太食得辣既朋友 可以一試呢個
啲雞肉好滑又冇骨 好入味
香噴噴既薄餅好有牛油味 有酥酥既口感
拎上手食個陣又唔會有油林林既感覺
咖喱同薄餅真係絕配既組合
另外叫左一個泰國菠蘿炒飯做主食
一開始以為係有半個菠蘿做碟個種
飯既配料比較簡單 菠蘿粒同蔥花為主
飯比較重香料味 未必個個都岩呢種味道
個份量夠兩個人share
