Video
Read full review
2022-10-26
95 views
天氣開始涼涼地，心思思想食雞煲，阿女話之前食過呢間雞煲幾唔錯，我哋一行2人呢日閒曰黃金時段選了雞煲火鍋A餐$208/位 + 10%。位置於荃灣出名多野食嘅大鴻輝18樓，雖然唔算近地鐵站但地點都好方便。全層地方夠大卡位為主， 感覺環境衛生都唔錯，坐得舒服上菜都好快， 服務亦正常。掃QR code點食物，A餐包兩款任食肥牛，包嘅其他任食食物選擇都非常之多。餐廳有個大雪櫃放滿大約6款唔同新鮮既蔬菜，仲有幾個大雪櫃放滿罐裝飲品、啤酒、阿女鐘意嘅冷泡茶，自助式自己出去雪櫃攞，任君選擇。另外仲有一個調味料站， 不過發現雞煲汁真係好惹味，其實唔需要額外點醬料。雞煲煮好上枱時已經食得，食完再打邊爐，雞件嫩滑份量唔少， 最後食唔曬啲雞。美國雪花肥牛及特級肥牛以價錢黎講肥牛嘅質素都唔錯，入口即溶亦鬆軟，用雞煲汁輕輕熨一熨熟一齊食，真係唔使點豉油都好惹味。其他食物整體都唔錯，特別推介小食蝦片及炸雞夠香脆, 串生蝦及手打墨魚滑夠彈牙，基本上所有食物夠新鮮。阿女唔食魚所以就冇點過，見隔籬枱嚟嘅鱔片都好正。 臨尾再食杯自製靚靚軟雪糕簡直大滿足。呢個價錢可以食到咁多嘅種類同品質冇得輸，怪之得疫情都屹立不倒，值得一試
全層地方夠大卡位為主， 感覺環境衛生都唔錯，坐得舒服上菜都好快， 服務亦正常。
掃QR code點食物，A餐包兩款任食肥牛，包嘅其他任食食物選擇都非常之多。餐廳有個大雪櫃放滿大約6款唔同新鮮既蔬菜，仲有幾個大雪櫃放滿罐裝飲品、啤酒、阿女鐘意嘅冷泡茶，自助式自己出去雪櫃攞，任君選擇。另外仲有一個調味料站， 不過發現雞煲汁真係好惹味，其實唔需要額外點醬料。
雞煲煮好上枱時已經食得，食完再打邊爐，雞件嫩滑份量唔少， 最後食唔曬啲雞。
美國雪花肥牛及特級肥牛以價錢黎講肥牛嘅質素都唔錯，入口即溶亦鬆軟，用雞煲汁輕輕熨一熨熟一齊食，真係唔使點豉油都好惹味。
其他食物整體都唔錯，特別推介小食蝦片及炸雞夠香脆, 串生蝦及手打墨魚滑夠彈牙，基本上所有食物夠新鮮。阿女唔食魚所以就冇點過，見隔籬枱嚟嘅鱔片都好正。 臨尾再食杯自製靚靚軟雪糕簡直大滿足。
呢個價錢可以食到咁多嘅種類同品質冇得輸，怪之得疫情都屹立不倒，值得一試。
Post
