Video
Read full review
2021-12-15
122 views
最近得知K11 Musea 新開左間食Mussels既餐廳，我咁鐘意食青口，更係第一時間約埋朋友一齊去Chill下😍餐廳係充滿型格既黑灰白色調，裝修簡約，雖然店舖唔係太大，但全部採用開放式嘅設計，包括廚房，除了充滿空間感外，令到廚師同埋食客都有一份聯繫喺度青口有4款招牌青口料理，平時食開西式嘅白汁，今次我哋呢度試吓特色料理🌟創新日本風味「日式柚子胡椒忌廉汁煮青口」配粗薯條以日式調味料糅合西式青口，有少少柚子味道酸酸地並帶有傳統西式嘅忌廉汁味道，完美混合，日式味道同忌廉汁青口非常夾，真係比到驚喜我呀🤩🌟明太子意粉伴碟有大量紫菜碎，醬汁夠濃稠杰身，意粉全部沾滿醬汁，味道入口好豐富～意粉都唔會煮得太淋～不過略嫌明太子唔多，食唔到有卜卜聲嘅感覺😜🌟帶子吞拿魚他他整呢個菜式係open kitchen望入去睇住廚師整實在係太療癒，逐小加入好幾種材料後再加入醬汁，混埋一齊切成一個圓形pie狀後就喺個刺生pie上面慢慢吱裝飾，再由廚師放上枱，成個感覺好似睇緊表演🤣食嘅時候廚師溫馨提示我哋要先撈勻晒所有刺身同埋醬汁，混合一齊食刺身有：帶子，吞拿魚，蟹子仲有牛油果每種食材切得細細粒，方便混合幾種不同質感既
餐廳係充滿型格既黑灰白色調，裝修簡約，雖然店舖唔係太大，但全部採用開放式嘅設計，包括廚房，除了充滿空間感外，令到廚師同埋食客都有一份聯繫喺度
青口有4款招牌青口料理，平時食開西式嘅白汁，今次我哋呢度試吓特色料理
🌟創新日本風味「日式柚子胡椒忌廉汁煮青口」配粗薯條
以日式調味料糅合西式青口，有少少柚子味道酸酸地並帶有傳統西式嘅忌廉汁味道，完美混合，日式味道同忌廉汁青口非常夾，真係比到驚喜我呀🤩
🌟明太子意粉
伴碟有大量紫菜碎，醬汁夠濃稠杰身，意粉全部沾滿醬汁，味道入口好豐富～意粉都唔會煮得太淋～不過略嫌明太子唔多，食唔到有卜卜聲嘅感覺😜
🌟帶子吞拿魚他他
整呢個菜式係open kitchen望入去睇住廚師整實在係太療癒，逐小加入好幾種材料後再加入醬汁，混埋一齊切成一個圓形pie狀後就喺個刺生pie上面慢慢吱裝飾，再由廚師放上枱，成個感覺好似睇緊表演🤣
食嘅時候廚師溫馨提示我哋要先撈勻晒所有刺身同埋醬汁，混合一齊食
刺身有：帶子，吞拿魚，蟹子仲有牛油果
每種食材切得細細粒，方便混合幾種不同質感既食材入口，而且混合左醬汁之後仍然品嚐到刺身新鮮的味道，估唔到咁好食～正😍
適逢當日係The Mussels 新開業期間，叫左款青口料理仲送每人一杯西班牙有氣酒Cava一杯，我就仲好易入口，同朋友傾偈一路嘆酒真係好Chill呀
Post
