舍 (Closed)

朋友喺外國返嚟探我，佢話好掛住香港嘅夜景同點心中菜，呢間IFC嘅舍就滿足晒佢嘅願望～香港嘅夜景真係好靚，好自豪！香檳金蝦餃紅樓招牌粉紅色外皮係用天然紅菜頭汁製成，加入香檳突出鮮蝦嘅鮮味，蝦肉新鮮彈牙～外皮仲點上金萡，好靚！流心紫蕃薯脆卜卜嘅流心紫番薯，以流心湯圓嘅概念製作，外皮係以日本紫薯配上糯米粉搓製而成，炸得香脆又帶點煙韌口感，內裡熱辣辣嘅流心紫薯餡好滑溜，甜而不膩，小心辣口呀 椒鹽豆腐外皮炸得酥脆，裡面嘅豆腐好滑，以椒鹽配炸豆腐，特別惹味，一口一粒，一粒接一粒食唔停，朋友話好似以前喺大排檔食嘅味道呀招牌花膠滋補養生鍋朋友指定嘅湯水呀～用大大塊嘅上等花膠、乾螺頭、杞子、桂圓、准山、蟲草花、紅棗、豬骨等，用慢火清燉12小時，而且無添加任何味精。上枱前侍應再加熱鍋仔，再幫我地分埋香氣好誘人！！一人分到兩碗～燉湯入口清甜滋潤，花膠扒非常厚身，口感軟腍，膠質豐富，豬骨都好淋！飲完咀仔痴痴地，真材實料，湯料份量十足，一定要食埋唔好浪費啊～ 蜜汁黑豚肉叉燒呢個叉燒絕對係傳統港式叉燒嘅加強版，精選來自加拿大黑毛豬肉，半肥瘦恰到好處，以海鮮醬、燒烤醬醃一晚至入味。叉燒表面略帶焦香，厚薄適中，入口鬆