時尚風格嘅室內設計，坐落係荃灣千色商場。一路行入間鋪，環境帶俾我嘅放鬆感，一路令我將一整日嘅鎖碎事逐少拋開。
食嘅係家常便飯，小炒。數十蚊嘅價錢，叫多叫少悉隨尊便，相約朋友家人食飯敍舊，一邊傾計一邊慢慢品嚐。座位寬敞，同其他客人嘅距離亦遠，造就一個良好嘅傾計氛圍。
叫咗一個紅燒豆腐，豆腐新鮮，調味洽當，好餸飯。
再嚟一個好好食嘅蟲草花豆漿浸時蔬。唔常見嘅配搭，菜心吸收哂豆漿嘅味，比平時更軟更甜。個豆漿汁仲好啱餸飯。
第三個餸係豆腐蒸肉餅，juicy得嚟唔會鬆泡泡，豬肉新鮮無雪味。
兩個人食食到飽一飽，每人一百蚊，坐咗兩個鐘，好抵啊！
