I Love Istanbul (Moved)

好欣賞老闆既勇氣，係荃灣呢種舊區開咁既鋪頭，亦都好體諒老闆娘粗身大細重係間咁屈質的鋪度幫手，每次見佢彎腰都想同佢講唔好呀，而且服務真係一流，問晒洋蔥想生d定熟d，好體貼。杯特飲亦都好好飲，係唔係土耳其口味就唔知，但係味道真係唔同一般的Fruit punch。
但係，呢間的食物的確有改善空間囉。
首先係個包，唔熱得黎又整到焦晒，味道好苦，餡料油得黎係無味，而且無乜醬汁，係其他土耳其餐廳食明明好多醬呀乳酪呀咁，呢度係無既。另外，價錢太貴，一個餐最貴去到四十幾重要無位坐，呢度係荃灣喎，朋友。
見佢既甜品都幾吸引，下次再試下先。