喜來稀肉 (Closed)

上兩個星期快閃韓國，但一次韓燒都未食到就返翻黎香港.....所以今晚就特登約埋兩個哈韓朋友一齊去食餐韓國燒肉止一止個韓燒癮先今晚我地每人揀左一款肉(有牛有豬)，仲揀左個飯同蔥餅一齊share食一坐底就已經有店員為我地倒上泡菜蛋漿同芝士蛋漿....咁一陣就有滑滑既爐邊蛋食啦而前菜同泡菜都係韓燒不可缺少既材料跟住我地order既肉都好快送到啦：“喜來稀肉”HKd$150+10%帶上果味薄切牛肉，入口微甜，快熟兼有牛香，不錯喔“真雪花牛肉”HKd$200+10%，朋友話貴啲都要試下，果然係值得一試啵！每塊牛肉既雪花佈置均匀，入口既有牛脂既香又不失肉味，加上肉質又軟熟無筋，正“護心肉”HKd$130+10%就係豬肉黎既，一隻豬只有少量既護心肉，燒香後依然充滿肉汁，配上泡菜醬料再用生菜包住黎食...爽呀“生牛肉拌飯”HKd$98+10%都唔差，搞拌後既生牛肉配埋各種配料同米飯，滋味得黎又飽肚反而最後“海鮮蔥餅”HKd$85+10%就有啲失色，煎得唔夠香脆亦無乜海鮮食韓燒單係飲水又點留過癮呢，但今晚我地都唔想飲酒，所以就點上一枝有1000ml既“酷啤斯”HKd$60+10%，其實味道就係桃味既乳酸