喜來稀肉 (金巴利道)

Open Now

Now Closed

舊同事的緣份可遇不可求，離開公司咁多年都可以保持聯絡做朋友，傾心事。今日陪好友揀婚紗伴娘裙，之後再一齊晚飯，地點就剛剛好啦，行多一分鐘就可以食韓燒。兩位女士食量不大，點一個豬護心肉$158 （150g) 唔好細碟，食落份量係夠飽，護心肉好香，又特別有咬口 。牛肉眼$158自己燒又可以控制熟程度, 好滋味。任添泡菜好滿足， 醃青瓜洋蔥食左3 轉，店員又醒目， 差不多食完就會幫我哋添加。爐邊的雞蛋加左芝士泡菜，半生熟 ，美味。天氣好熱所以叫咗 伴冷麵$95 涼入心。