Video
Read full review
2007-01-11
82 views
好激氣！從未試過食一餐咁激氣的午飯！今日中午去了西貢滿記左手面那間名叫”喜多郎”的日本餐廳食午飯．心想咁耐無幫親過，又想食日本野，就去幫親下佢地．但真係估不到會受到這樣差的對待！那個老闆娘竟然用粗口罵人！而且態度勁差！我真係從未見過這樣差的服務態度！還要發生在一間日本餐廳裡發生呢！香港係咪真係無得救？唉．．．事情係咁的，今日我們四個人同行，叫了四個不同的午餐，每個餐都會跟一客小刺身！但我有兩個同事是唔食生野的，所以要求轉為熟刺身，如八爪魚等．最初，那老闆娘說應該無問題，當我第二位同事話都想要熟刺身時，老闆娘就黑臉，突然轉口話唔可以，因為ｄ八爪魚好貴！而且語氣重要極之差，用輕視的目光看住我的同事！其實如果佢話所有都定哂，無得改的咪得囉！這算是什麼服務態度呀？至於食物方面，由於人唔係太多，所以都不用等太久．大約十五至廿分鐘就到！本人叫了日式咖哩豚肉飯，都ｏｋ的；但另一同事叫了滑蛋豚肉飯，豚肉一點也不滑好難食！同事只食了五份二份量，味道可想而之．．．到埋單比錢的時候，由於各同事都想各自結帳．故我們叫侍應來時已經與他講好我們想分開結帳，他說無問題！但不知怎樣變了那態度差勁的老闆娘幫我們結帳！而
今日中午去了西貢滿記左手面那間名叫”喜多郎”的日本餐廳食午飯．心想咁耐無幫親過，又想食日本野，就去幫親下佢地．但真係估不到會受到這樣差的對待！那個老闆娘竟然用粗口罵人！而且態度勁差！我真係從未見過這樣差的服務態度！還要發生在一間日本餐廳裡發生呢！香港係咪真係無得救？唉．．．
事情係咁的，今日我們四個人同行，叫了四個不同的午餐，每個餐都會跟一客小刺身！但我有兩個同事是唔食生野的，所以要求轉為熟刺身，如八爪魚等．最初，那老闆娘說應該無問題，當我第二位同事話都想要熟刺身時，老闆娘就黑臉，突然轉口話唔可以，因為ｄ八爪魚好貴！而且語氣重要極之差，用輕視的目光看住我的同事！其實如果佢話所有都定哂，無得改的咪得囉！這算是什麼服務態度呀？
至於食物方面，由於人唔係太多，所以都不用等太久．大約十五至廿分鐘就到！本人叫了日式咖哩豚肉飯，都ｏｋ的；但另一同事叫了滑蛋豚肉飯，豚肉一點也不滑好難食！同事只食了五份二份量，味道可想而之．．．
到埋單比錢的時候，由於各同事都想各自結帳．故我們叫侍應來時已經與他講好我們想分開結帳，他說無問題！但不知怎樣變了那態度差勁的老闆娘幫我們結帳！而且她扮作不知情地一張過結帳．我告訴她我們想分開結帳！頓時情況變得極之混亂，幾經辛苦才把時情弄好！我只感到服務態度差和惡劣．真的受不住那老闆娘的態度！我不禁講了聲：”我真係唔見過些咁咩的服務態度呀！”就起身走人！
不可思意的事情就在此時發生了！我想我講的說話都給那態度惡劣的老闆娘聽到！
我：都唔知係咩服務態度？
老闆娘：你講咩呀？你咪走呀？你同我企係到呀？（指住我來講）
我心想：她用什麼身份叫我企係到唔好走？點樣我都係佢的客人啦！
我：咩態度唔好呀？我彩你都傻呀！（向住大門行出去）
這個老闆娘就追住出來啦！
我：我地點都係你個客人，你就唔可以用這態度來對待客人啦！
老闆娘：現在食個幾十元飯，之前又無講清楚話要分開結帳！
我（指住她的侍應）：我有同佢講的！佢話ｏｋ ｇａ！
老闆娘：現在這裡不是茶餐廳呀！如果係你就一早講話要分開四張單！我就分開結帳！
我（指住她的侍應）：我係咪有同你講過？你係咪話無問題呀？
侍應：係！係！係！ （按住他老闆娘說）
突然有一個清楚女工出現！
清楚女工：She is my boss. You can not talk to her like that! x 100
同事：It's none of your business!
清楚女工：It is my business! She is my boss. .....
同事：I'm telling you. It's none of your business! GO AWAY!!!!!
老闆娘：ｘ你老ｘ呀！
我：嘩！你講粗口呀？
同事拉開我！
同事：唔好同這種人講野啦！
同事對老闆娘：你咁樣同人講野都得的？我地係邊個呀？
老闆娘：咩呀！現在你恐我呀？
同事：唔係！我洗乜恐你姐？我直頭費事同你講野啦！我地走！
我：都費時塞錢入你袋呀！
我們就一走過馬路，一路行我就越來越興啦！
我（大聲地叫）：千萬唔好去”喜多郎”食野呀，個老闆娘講粗口呀！
講真我只係講一句說話去批評一下也不可以嗎？我又無講過她的不是！只是法表一下自己的意見吧了！咩批評都要看用幾錢食一餐？即係如果我用多ｄ錢就可以用粗口罵你？而且我比得小錢就唔可以出聲作任何批評，就算那餐廳比咩你食，你就食咩？我覺得唔係咁！我朋友問她說什麼？她竟然話我們恐嚇佢？這個是什麼世界？後來，她講唔掂還用粗口來罵我們呢！可想而知係佢自己心有鬼啦！因為佢覺得我地諸多要求，又要分開結帳，所以就用這惡劣的態度來對待我們！
講真，都係食餐飯吧！中午來講我們每人肯花＄５０食一餐午飯其實真的唔平的啦，肯來幫親你地都算執到啦！但竟然得到用粗言的對待! 真的不服!
Post