Video
Read full review
2022-11-30
144 views
餐廳：喜多嬉牡蠣屋 (中環)地址：中環擺花街1-7號一號廣場地下9號舖中環呢間開咗一個月左右嘅喜多嬉牡蠣屋 @kitaki.kaki 主打嚟自日本岡山縣北木島嘅喜多嬉生蠔🦪，蠔場經營咗60幾年，第三代傳人首次喺香港開居酒屋，希望由日本學藝多年嘅師傅炮製最新鮮嘅喜多嬉生蠔比香港人品嘗，當然唔少得帆立貝、定食、串燒等其他美食🇯🇵呢度最特別嘅緊喺佢哋嘅牡蠣放題😍，有1個鐘($398)同1個半鐘($498)可以揀，可以任食牡蠣刺身、鐵板燒牡蠣、燒北木島帆立貝、燒味醂魚乾、燒味醂鰩魚翅、喜多嬉牡蠣茶漬飯、牡蠣五島手延湯烏冬同牡蠣秘製撈五島手延鳥冬，仲送每人一款茶飲(e.g. 白桃烏龍茶、梨山烏龍茶)或汽水，有本事食返幾打蠔都即刻回晒本🤩，值得一提佢哋所有蠔都喺即叫即整，上菜速度極快！叫放題仲送頭盤——喜多嬉九品，9樣食物會因應唔同時節而有所改變，希望將最新鮮嘅時令食物帶比大家👍，而今次我去食就有：日本直送象拔蚌刺身、喜多嬉牡蠣茶漬飯、二色燒活白鰻、天婦羅秋葵、手工月見燒鳥串配玉子、天婦羅紫蘇葉吞拿魚蓉、喜多嬉牡蠣刺身同時令沙律🥗鐵板烤牡蠣喺日本特色嘅煮法之一，用大鐵板將牡蠣連蠔殼煎烤一陣，未食已
地址：中環擺花街1-7號一號廣場地下9號舖
中環呢間開咗一個月左右嘅喜多嬉牡蠣屋 @kitaki.kaki 主打嚟自日本岡山縣北木島嘅喜多嬉生蠔🦪，蠔場經營咗60幾年，第三代傳人首次喺香港開居酒屋，希望由日本學藝多年嘅師傅炮製最新鮮嘅喜多嬉生蠔比香港人品嘗，當然唔少得帆立貝、定食、串燒等其他美食🇯🇵
呢度最特別嘅緊喺佢哋嘅牡蠣放題😍，有1個鐘($398)同1個半鐘($498)可以揀，可以任食牡蠣刺身、鐵板燒牡蠣、
燒北木島帆立貝、燒味醂魚乾、
燒味醂鰩魚翅、喜多嬉牡蠣茶漬飯、牡蠣五島手延湯烏冬同牡蠣秘製撈五島手延鳥冬，
仲送每人一款茶飲(e.g. 白桃烏龍茶、梨山烏龍茶)或汽水，有本事食返幾打蠔都即刻回晒本🤩，值得一提佢哋所有蠔都喺即叫即整，上菜速度極快！
叫放題仲送頭盤——喜多嬉九品，9樣食物會因應唔同時節而有所改變，希望將最新鮮嘅時令食物帶比大家👍，而今次我去食就有：日本直送象拔蚌刺身、喜多嬉牡蠣茶漬飯、二色燒活白鰻、天婦羅秋葵、手工月見燒鳥串配玉子、
天婦羅紫蘇葉吞拿魚蓉、喜多嬉牡蠣刺身同時令沙律🥗
鐵板烤牡蠣喺日本特色嘅煮法之一，用大鐵板將牡蠣連蠔殼煎烤一陣，未食已經聞到陣陣蠔香🤤；
牡蠣刺身大隻得嚟鮮甜香滑，有陣陣海水味🌊，連埋用木魚花、醬油、醋等整成嘅士佐酢啫喱，仲有辣蘿蔔蓉同蔥花一齊食，更加突顯牡蠣嘅鮮味，酸酸甜甜幾開胃。
我個人就鍾意後者，因為可以食到喜多嬉牡蠣最原始嘅風味，而且比烤蠔大隻，一啖食落口爽得多😋
特別推介佢哋嘅喜多嬉牡蠣茶漬飯，用咗牡蠣高湯去泡飯，啲飯索晒蠔肉嘅精華，蠔香特別濃郁🤩。餐廳自家製咗多款醬汁配蠔嚟食，其中XO醬、芝士醬、孜然醬、蒜蓉醬都喺餐廳自己調製，另外仲有秘製酸汁同泰式辣醬，蘸唔同嘅醬汁帶嚟唔同嘅風味同變化，令蠔嘅味道瞬間提昇唔少🥰
單點放面叫咗好似雞軟骨咁嘅燒鳥腳筋($38)、充滿羊羶香嘅成吉思汗羊肉串($38)、嚟自岩手黑毛和牛嘅厚切牛舌芯($48)同牡蠣釜飯配牡蠣濃湯($138)，
牡蠣釜飯用咗牡蠣濃湯同埋雞蛋🥚、多款新鮮蔬菜燘煮而成，口感較為濕潤，一試難忘，鍾意食蠔嘅人一定唔可以錯過‼️
Post
