麻浦元祖 (Closed)

Other Info. : 平日已經成日食韓燒的我，今次真係令我喜出望外。。係openrice度見到有間叫做麻浦元祖就打算同3個朋友去試吓啦。。佢地而家做緊試業有8折。。正！！！ 打去BOOK 位既時候已聽到佢係韓國人咁令我對依間野更加有信心， 一去到等咗兩分鐘已經可以入坐(可能係新開仲未有太多人識)，地方寬闊(依個對于我同班朋友黎講好緊要，因要不斷吹水嘛) ^^ 果然真係有個韓國人幫我地落單，佢仲不斷介紹D肉既部位，鐘意边類型既肉等。。所以服務一流！！ 我地4 個人先點了一個烤肉拼盤，話晒新開都係先試吓佢既真偽先。。。拼盤一黎賣相都幾靚，大約有蝦，牛肋骨，豬排骨，雞，五花肉，雪花牛等等。。試食咗個雪花肉，蝦同五花肉後(正），咁就可以繼續叫啦。。 跟住我地就叫了較少見到有既牛腸，依個真係不得不講，真係好好食超彈牙，但記住要燒耐少少同建議用胶剪𠝹花黎燒效果更好，好爽口。跟住又係少見既熟成五花肉(餐牌標住濟州的），難得一見當然要試啦，一黎到個樣就好靚啦，肥胖瘦分怖平均，就算燒到燶燶地都好好食。。牛舌好淋骨，但我個人就鐘意厚切。另外一定要講既就係爐边的芝士栗米同泡菜蛋，兩個都好好食，芝士又可以配埋肉一齊食。而泡菜蛋比起出边的凈蛋好味得多。。 而飲品方面，我點了個peach味類似有氣水(因係出面較少見到有），味道唔錯，值得一試！！！ 所以整餐都好滿意加埋服務良好，吹水都吹得開心D，下次會再黎。。