鄭​師姐泰式素食私房菜 (Moved) New Location

想試呢間素食泰國菜私房菜好耐，6:30倒去到，入便大約五張台，另外仲有兩間房。個廚房就響入口附近。$180位唔使加一，已經係定左既菜式，個個都係果個set, 都好多個菜，但可以加餸，餐廳餐具亦都乾淨。一去到就比左茶，同埋湯、生果沙律、齋叉燒。幾樣都冇咩特別，湯會見你飲完主動問你使唔使加。店員唔係好精靈果D，但都好勤快，睇得出佢盡左力。另外仲有喇沙檬粉、生菜包、菠蘿炒飯、串燒、芒果糯米飯同糖水。中間上菜既速度都有D慢，餐飯都食左兩個鐘。喇沙檬粉同串燒都好食，喇沙夠香又唔會甜，冬瓜又滲曬汁，襯埋D檬粉都好好食，串燒燒得香口之餘又唔會乾，都好食。另外幾味餸就冇咩特別，正正常常咁。