1
📍韓式牛肋條飯
勁大塊嘅牛肋條軟嫩多汁，表面微微焦香，肉質一咬就即刻鬆化喺口入面。個醬汁有少少韓式甜而不辣，見到貓貓🐱造型嘅白飯完美配搭，真係食一啖就停唔到口！
📍拿破崙肉醬煙鴨胸螺絲粉
螺絲粉咬落仲有韌性。煙鴨胸香口鹹香，同拿破崙式嘅肉醬完美融合，濃郁得嚟又唔會太漏。每啖都有層次感
📍蜜糖炸雞翼
金黃酥脆嘅外表吸引住，仲要隻隻都好大隻，咬落「卡嘞」一聲，脆到核爆！入面嘅雞肉仲係多汁爆燙，蜜糖醬汁甜而唔膩，帶微微嘅香料味 💯
📍水蜜桃沙冰
沙冰綿密順滑，水蜜桃味香甜自然，完全冇人工甜味嘅感覺。上面仲有新鮮嘅水蜜桃粒，每啖都清新解渴，食完感覺成個人都活返過嚟🍑
📍朱古力曲奇
特濃既朱古力味，飲落有曲奇做咬口，絕對係甜品控必試之選！🍪
真心推薦呢間小店！雖然地方細細，但係食物質素同氣氛絕對一流
