Video
Read full review
2019-06-05
13 views
第一次食呢種菜式，無諗到咁好味。佢啲海鮮勁新鮮，物有所值，特別係啲蠔！我覺得有心思個位係，佢會係個鍋入面預先擺咗冬瓜，豬肉，金華火腿，之後先係上面蒸海鮮，啲海鮮會蒸到入哂啲湯味。。。最正個位係，到最後啲湯係會做火鍋湯底。其實齋飲都好正，海鮮汁流哂入去，好似老火湯咁，好甜 > < 第一道蒸菜係黑松露蒸水蛋。個水蛋一個氣泡都無，好滑，唔知點做到 > <啲蜆重識郁 ( 唔知點post gif )。老闆娘好好service，會一份份幫你蒸，夠鐘會話我哋知。幾好，唔會蒸過龍。啲鮑魚唔韌，幾surprised。細鮑魚好易煮韌咗，第一次食到覺得啱啱好嘅小鮑魚。呢個處理得好細心，老闆娘拆咗肉先擺上個殼上面蒸。蒸完啲肉唔會痴住個殼食唔到。成隻上呢個蠔真係勁勁勁勁好食，唔係講笑！我平時好唔鐘意食蠔，同朋友嚟就食一次喇。點知我朋友話，wa個蠔好好食！我一試，真心！好鮮，直頭感覺到海水味。咬落去，隻蠔泌啲汁好鮮甜，勁juicy. 我終於明點解啲人話生蠔好食。蠔好食嘅話，根本唔洗Tabasco同檸檬汁。呢個勁高質！黑毛豬係厚切，食落口軟綿綿。So far係我食過最好食嘅黑毛豬。之
第一次食呢種菜式，無諗到咁好味。佢啲海鮮勁新鮮，物有所值，特別係啲蠔！
我覺得有心思個位係，佢會係個鍋入面預先擺咗冬瓜，豬肉，金華火腿，之後先係上面蒸海鮮，啲海鮮會蒸到入哂啲湯味。。。最正個位係，到最後啲湯係會做火鍋湯底。其實齋飲都好正，海鮮汁流哂入去，好似老火湯咁，好甜 > <
第一道蒸菜係黑松露蒸水蛋。個水蛋一個氣泡都無，好滑，唔知點做到 > <
啲蜆重識郁 ( 唔知點post gif )。老闆娘好好service，會一份份幫你蒸，夠鐘會話我哋知。幾好，唔會蒸過龍。
啲鮑魚唔韌，幾surprised。細鮑魚好易煮韌咗，第一次食到覺得啱啱好嘅小鮑魚。
呢個處理得好細心，老闆娘拆咗肉先擺上個殼上面蒸。蒸完啲肉唔會痴住個殼食唔到。
成隻上
呢個蠔真係勁勁勁勁好食，唔係講笑！我平時好唔鐘意食蠔，同朋友嚟就食一次喇。點知我朋友話，wa個蠔好好食！
我一試，真心！好鮮，直頭感覺到海水味。咬落去，隻蠔泌啲汁好鮮甜，勁juicy. 我終於明點解啲人話生蠔好食。蠔好食嘅話，根本唔洗Tabasco同檸檬汁。呢個勁高質！
黑毛豬係厚切，食落口軟綿綿。So far係我食過最好食嘅黑毛豬。之前食嗰啲，唔係好食到普通豬同黑毛豬有咩分別，而呢間係食到嘅。肉味濃啲，同埋軟熟過普通豬肉好多。呢個畀得值得。
一式四粒肉丸，全手打，好彈牙下。我覺得今餐飯食得幾高質。主要係料好鮮，貴價料。同埋我覺得呢度人唔係好多，同朋友傾偈覺得幾relaxed. 會再嚟。
Post
