Video
Read full review
2008-08-15
71 views
呢度d 嘢都OK幾好食, 但 d 服務質素真係「好」到你唔信囉! 其實已經唔係睇一次上嚟飲茶, 早已知道呢度 d 職員由最高位到最低位既態度都係差,但真係冇諗到會差到咁囉...事原有個男同事其他幾個同事先上到嚟坐低, 見到檯面有張細過 B4 size 既紙仔寫話有特價煲仔飯,咁就寫咗話要兩煲, (呢個時間我同兩個同事都嚟到坐低) 見到有個樓面侍應嬸嬸就叫住佢, 當畀張紙仔叫佢落住單時, 點知個嬸嬸竟然用少少唔耐煩既語氣同男同事講 : 「呢個特價係十二點半前落先有架! 你有冇睇清楚架?!」大家睇下張紙仔, 先見到好細隻字寫住, 同埋當時係 12:50 (我哋 lunch hour 係 12:30-1:30), 男同事就笑笑口咁問 : 「咁而家幾多錢呢?」嬸嬸既態度仍然差 : 「正價二十八蚊呀!」男同事 : 「咁是旦啦! 都係要兩煲啦!」嬸嬸 : 「你寫落點心紙度啦! 」講完就已經走咗去......其實我 d 同事無論男定女, 個個都係好 nice 既, 所以男同事先冇發火咋!之後我哋仲成餐飯係咁攞呢間酒樓 d 職員嚟講笑, 當然佢哋聽唔到啦!同埋好多嘢都「自己嚟」, 包括加凳、加水等等
事原有個男同事其他幾個同事先上到嚟坐低, 見到檯面有張細過 B4 size 既紙仔寫話有特價煲仔飯,咁就寫咗話要兩煲, (呢個時間我同兩個同事都嚟到坐低) 見到有個樓面侍應嬸嬸就叫住佢, 當畀張紙仔叫佢落住單時, 點知個嬸嬸竟然用少少唔耐煩既語氣同男同事講 : 「呢個特價係十二點半前落先有架! 你有冇睇清楚架?!」
大家睇下張紙仔, 先見到好細隻字寫住, 同埋當時係 12:50 (我哋 lunch hour 係 12:30-1:30), 男同事就笑笑口咁問 : 「咁而家幾多錢呢?」
嬸嬸既態度仍然差 : 「正價二十八蚊呀!」
男同事 : 「咁是旦啦! 都係要兩煲啦!」
嬸嬸 : 「你寫落點心紙度啦! 」講完就已經走咗去......
其實我 d 同事無論男定女, 個個都係好 nice 既, 所以男同事先冇發火咋!
之後我哋仲成餐飯係咁攞呢間酒樓 d 職員嚟講笑, 當然佢哋聽唔到啦!
同埋好多嘢都「自己嚟」, 包括加凳、加水等等, 總之可以自己搞掂既都唔想叫 d 職員幫手, 費事又要受氣!我諗如果只係我同兩、三個朋友去飲茶, 我一定會 complain 囉!
件事都仲未完, 後來我哋叫做食飽飽, 諗住整個糖水就走, 最後包括我在內有四個人叫個「楊枝金露」, 我諗, 大家都應該知道「楊枝金露」係點架啦! 但當呢四個「楊枝金露」嚟到時, 大家已經覺得唔多好食, 因為明顯地見到好花奶色, 好水, 同埋好少料,
不過都要試過落口先知得唔得既, 當四個人同時放入口, 亦同時放低隻匙, 然後大家都話真係好唔得!! 我真係未食過差得咁緊要既「楊枝金露」囉!!!
不但水, d 料少到得幾粒芒果, 一匙仔西柚肉, 仲完全唔覺有用芒果汁做低, 而係落花奶, 仲要 d 花奶好似開一比五咁, 又唔多凍, 根本就唔知食緊乜!!! 今次我真係忍唔住發火啦!! (我未試過係公司發火架)見到有個高級少少既女侍應行過, 叫佢埋嚟, 但同佢講完個問題後, 佢拎起睇下就走咗囉!! 真係估都估唔到係呢個反應....................................
但我哋諗佢可能話唔到事, 所以唔想理, 於是就特登叫個著住西裝個男經理過嚟, 佢聽完我哋講, 叫個男侍應過嚟收咗我地四碗糖水後話 : 「咁你哋想轉咩糖水?」講緊既時候已經拎起咗張單準備同我哋再落單, 但其實我地根本從來都冇講過話要轉其他糖水囉!
我即時話 : 「唔要啦! 你直接同我 cancel 晒四個糖水佢!」個經理先唔出聲咁同我哋改單...
大家請留意, 佢地由頭到尾都冇任何客氣說話或者道歉既說話同我哋講過, 同埋接觸過我哋既每一位職員個服務態度都係咁差囉! 咁即係唔係個別職員既問題, 係成日酒樓既職員都有問題啦!
唉...... 除咗糖水外, 雖然呢度既食物質素真係唔差, 個價錢係銅記呢區嚟講又算抵食, 十個人食左廿碟點心, 埋單都係 $490, 但嚟畀錢買難受既話, 咁做乜仲要幫襯呢?!
順帶一提, 同事話原來呢間酒樓係「吳剛師傅」開架! 唔怪得之 d 裝修咁浮誇啦!連拍戲都唔用咁過份誇張既裝修啦! 同而家鍾意簡約時尚既現代人真係背道而馳囉...真係好懷疑究竟有冇人會選擇係呢度擺酒呢...?!!初時我都諗係咪我唔識欣賞呢間酒樓既裝修呢? 但後來講講下, 成班同事都話有同感...大家有時間不防去睇睇佢個裝修, 真係頂引到丫...!!
懶係中西合壁咁, 但中式既過份金碧輝煌(有 d 《黃金甲》feel), 西式既又過份古歐陸貴族式, 兩者加埋一齊, 真係唔知似乜...!
Post