拾味正宗刀削麵館 (渣甸街)

Open Now

Now Closed

之前光顧過原店都唔錯，今次係銅鑼灣唔知食咩好，就揀左佢黎做午餐🍲。入到店，見到周圍既海報同裝飾，心情有久違既感動🥺。講返食物先，點左兩餸湯刀削麵，仲加多杯豆漿🥛。麻辣豬扒·豬頸肉刀削麵 $65 + 凍豆漿 $6一黎就見到啲餸好大堆頭，豬頸肉🐷炸得好香脆，但肉質仲保持爽彈。豬扒偏淋身，食落無咩咬口，但醃得幾入味。唔好睇少面頭既辣椒油同蒜🧄，越食越辣🌶，越辣就越起勁。至於麵既方面，就好啲失望，同原祖店比好似有啲失色。麵身咬落比較硬，介乎熟同唔熟之間，亦都無咁彈牙😣。另外值得一提係份量好足，一般女仔都未必食得哂，記得叫少麵就唔會做大嘥鬼喇。