Mamaday (Moved) New Location

某日搞完銀行事務，竟然落大大大雨，咁就上咗呢間Cafe坐下避下雨同埋食下野，平日下午茶時段唔算多人， 正好可以影吓相!! 點解個個都叫軟殼蟹pizza 㗎?係我鍾意嘅薄底pizza，餅底鬆脆，軟殼蟹啱啱炸起味道幾好，菠蘿幾鮮甜如果可以多啲菠蘿就更加開心!! 蜜汁香茅豬頸肉點解呢個食物名咁正常，放喺呢個Menu度就變得好唔正常😅豬頸肉係用泰式嘅方法嚟整，香茅汁配豬頸肉幾唔錯，仲有好大塊蝦片，加藍莓同大量沙律菜!! 總括來講呢度食物ok，裝修幾有心思好多打卡位!! 呢度用好多唔同嘅樽嚟裝水放喺枱面，咁啱我張枱係呢個Martini樽，都諗咗幾秒飲咗會唔會醉㗎，但冇事嘅係水嚟嘅!! 😅