麻辣派對 (瑞生酒店) (Closed)

雖然自己就唔係好食到辣，但又好鍾意食辣喎，係要食到滴晒汗先開心，啲人話人係犯賤真係無講錯！入到嚟見到裝修似西餐廳咁，完全唔覺得係食中式，燈光都偏暗，側邊又有啲花球之類嘅裝飾，真係好似去咗Party咁！叫咗呢三道菜，賣相咁好，緊係就相機食先啦！水煮魚、麻辣肥腸、香炸雞軟骨，唔好比佢顏色嚇到啊，其實每一道菜都係叫咗小辣。雞軟骨好香口，炸到啱啱好！勁鍾意食豬大腸嘅我，點會放過呢道麻辣肥腸先，豬腸夠晒爽口。水煮魚個麻味好重，啲魚都夠滑。