川粤時空時尚小廚

Open Now

Now Closed

今次呢間川粤時空時尚小廚係同事介紹收工一齊去食，平時都好鍾意食辣嘢，所以對呢間餐廳非常之滿意！因為佢哋啲川菜真係做得好正宗，同埋夠晒辣，啱晒我呢啲無辣不歡嘅人🥳🥳🥳今次最後叫咗三款佢哋嘅招牌小食同lunch set試吓：川粵口水雞❤️‍🔥賣相好邪惡，睇落辣油好多，而且口水雞入口嫩，入口其麻辣味爆發，真係超惹味。川香回鍋肉❤️‍🔥回鍋肉實在太入味啦，可能因為佢有少少肥肉更加吸收啲辣汁，用嚟配白飯真係一流！重慶正宗毛血旺❤️‍🔥毛血旺見到都好吸引，入面有鴨血、入面牛肚，肥腸，豆干等等，我好鐘意佢啲鴨血仲大大嚿又滑！一啲都唔腥，仲要夠哂辣！