芝加哥串燒 (美豐花園) (Closed)

一路都知大埔好多好嘢食, 今日 口痕好想食串燒, 上嚟openrice見到芝加哥串燒評語都唔錯就過嚟試下, 環境幾舒服, 可以放鬆慢慢食下飲下嗌咗兩杯酒， 慢慢飲住等串燒😋 之前去其他酒吧嘅嘢食都係普普通通，通常炸嘢比較多，估唔到呢間嘅串燒真係好味， 直情可以當正餐咁樣食 最緊要佢嘅串燒唔係好咸， 味道適中，有陣時有啲串燒店鹹到你接受唔到， 我最鍾意就係佢嘅燒鴨胸肉，好香燒烤味， 另外燒茄子都好香， 啲醬汁入曬味，蒜蓉味好重， 另外芝士焗茹估唔到可以有拉絲效果， 滿足曬我依啲芝士迷嘅需要我哋搵呢間舖都搵咗一陣，近太和，原來佢係兜咗入後行， 整體嚟講下價錢都算合理， 性價比都不俗，下次可以再黎relex下