肚餓了串燒烤焗專門店 (Closed)

友人介紹過呢間串燒店好食，搵左個happy friday同舊同事黎食。叫左枝Goldeneye，貪佢甜度同甘度都係三粒星，應該易入口。食物選擇眾多，想食咩都有。每人都叫返枝啤酒先！燒韭菜好考功夫，又要夠火喉但又唔可以乾，燒得好就真係一間了不起嘅串燒店。呢間嘅韭菜燒得好juicy，個樣都好光澤，超級好食！牛舌係我最愛，大大舊好厚身，好惹味。原隻茄子加蒜蓉真係好正，惹味不在話下，仲要好鮮甜。不得了嘅生蠔，蒜蓉好香脆，蠔又肥美，正！黃金薯條用蛋黃炸，味道無得輸。燒鰻魚如果再熱啲會更好味。帆立貝多肉，好食。扇貝亦好鮮甜同多肉，好滿足。蔬菜類都好味。