熊小館 (Closed)

知道將軍澳有一間新開嘅啤啤主題餐廳叫熊小館，就急不及待帶住小朋友去試，因為我同小朋友都係啤啤迷。今次order咗豬扒拼牛油酥皮吐司 ，豬扒超厚身超大，最緊要係超juicy鎖住入面d肉汁，牛油酥皮吐司就有濃濃嘅牛油香，而且吐司亦都係比較厚身，咬落去有口感。另外點咗一份兒童餐，上面有肉醬意粉、德國腸、粟米、小朋友至愛嘅熊仔糖，同埋有雪米糍，另加一杯小橙汁，小朋友見到個賣相咁靚，都超開胃。而且肉醬意粉嘅肉醬超有茄汁味，德國腸就啖啖肉，值得推介畀小朋友嚟食。而飲品另外叫咗黑熊，即黑牛上面加一塊3d立體熊可樂冰，成杯嘢個格調就唔同曬。餐廳環境有超多大、中、小型嘅啤啤公仔，好多打卡點，下次一定會約埋其他有小朋友嘅家庭再嚟食過。