鋒哥廚房 (Closed)

好鐘意食雞煲同火鍋，近元朗嘅同伴可以選擇呢間，因為可以一次過滿足你幾個願望，有羊腩煲雞煲火鍋仲有小菜㖭㗎。入到去坐低就見到好大個啤酒logo，佢主要都係茶餐廳風格。估唔到288呢個價錢可以飲埋啤酒，真係啱曬同伴一齊啤一啤。🍺🌶️麻辣雞煲🐔鍾意雞煲嘅我哋而家係會揀麻辣雞煲啦。一黎到香噴噴，淨係聞到都覺得又香又辣。材料都好豐富，有齊香蔥、洋蔥，雞肉完全入味，鹹鹹地辣辣地好正。🐷黑蒜豬骨湯+蟹🦀食完個雞煲就開始我哋嘅火鍋，黎返個黑蒜豬骨湯。呢個湯真係有好香濃嘅豬骨味。然後將大大隻蟹放入去豬骨湯之中，就有埋海鮮嘅鮮味啦。再飲返幾杯啤酒，叫返幾碟肥牛豬肉，大家都樂在其中。🤭🤭🤭