幸福巷子

Open Now

Now Closed

週末喺啟德Airside幫手擺市集，忙碌嘅Lunch Time終於有機會試吓附近嘅 幸福巷子。呢間餐廳主打港式風味，位於Airside food court 內。今次我點咗叉燒牛舌蔥油飯
呢碟蔥油飯一上枱，香噴噴嘅蔥油味即刻令人胃口大開！叉燒烤得香脆可口，外層微焦帶有炭香，咬落去啖啖肉香，完全唔油膩。牛舌就係另一個驚喜，煮得嫩滑多汁，入口軟嫩得來又有咬口，配上蔥油嘅濃香，味道層次好豐富。飯粒吸收咗蔥油嘅香氣，粒粒分明，女仔嘅飯量黎講份量啱啱好，食完覺得滿足又唔會太脹。不過如果係男仔，特別係食量大嘅，可能會覺得稍為唔夠飽。整體嚟講，呢碟飯真是一個好味嘅港式風味體驗，簡單嘅材料整出唔簡單嘅滋味。