🥝奇異果豆乳雪葩
呢個絕對係夏日之選！用咗Jollibean最招牌嘅豆乳做成雪葩，口感綿滑清爽，再加埋新鮮奇異果嘅酸甜果味，味道層次好豐富，又唔會太甜膩，Mina爸都讚好清新！
☁️清心雲霧(山藥百合糖水)
個名已經贏咗，好有詩意！其實係一款好養生嘅中式糖水，用咗山藥（淮山）同百合熬製，口感溫潤順滑，味道清甜自然，飲完成個人覺得好滋潤舒服，感覺好「補」！
🖤🤍黑白芝麻奶蓋
身為芝麻控，絕對要試呢杯！將炒香咗嘅黑白芝麻打成超濃稠奶蓋，每一口都係極緻香濃嘅芝麻風暴，鍾意芝麻嘅朋友一定會愛上。估唔到豆乳店嘅芝麻產品都咁出色。
🥭香芒豆乳雪葩
餐牌上唔多覺，但見到當然要試！芒果嘅香甜同豆乳嘅醇厚出奇地夾，味道濃郁，好似係度食緊凍咗嘅芒果豆腐花一樣，好有驚喜！
