Video
Read full review
2021-08-05
113 views
啓德站開通左，收工黎食野都好方便。上次經過呢間魚眾不多，老公成日心思思想食，今日就黎一嘗佢食辣心願。打開菜單先係多人分享既經典水煮魚菜式同毛血旺，我唔食得太辣，老公要張就下點一人自選糸列既鱸魚，配味道香香麻麻青花椒酸菜湯一齊食。份量唔細，一個大碗裝住墨綠色湯汁既酸菜魚，配料除左跟餐點既爽口黑木耳同芽菜之外，仲有追加老公最愛既鴨血。香菜有好濃味酸菜、青花椒束，葱粒蒜蓉紅辣椒乾，形成一種香麻感較重既湯底，入口唔傖喉同水煮方式比較少左份重紅油地獄感覺。魚肉鮮嫩白滑唔多骨，一啖湯再一塊魚片，嘴角慢慢感受到麻的效果，唔會辣到要揾紙巾凍飲急救。食辣通常追加鴨血下湯最夾，薄薄地切開質感Q彈，吸埋湯什食燙口之中享受一份軟滑感。薯粉做麵底又係絕配，麻香徹底地係脷根擴散，幾條一口滑嘟嘟啜食超柔軟，真係食哂都夠飽，嘴仔快要發麻！另一款係泰皇海鮮味炒飯，飯粒吸收左海鮮醬味爆香好惹味，仲有魷魚粒帶子肉蟹柳絲火腿條同生菜絲炒埋一齊，口感豐富色澤金黃又夠油光，越食越開胃！食完香辣野，飲杯冰凍夏日飲品甜返一下喉嚨，我叫左利賓納咸檸檬梳打特飲，甜甜地又少少咸sparkling飲完充滿能量，紅豆冰加奶特別解麻，杯底仲有好
上次經過呢間魚眾不多，老公成日心思思想食，今日就黎一嘗佢食辣心願。
打開菜單先係多人分享既經典水煮魚菜式同毛血旺，我唔食得太辣，老公要張就下點一人自選糸列既鱸魚，配味道香香麻麻青花椒酸菜湯一齊食。
份量唔細，一個大碗裝住墨綠色湯汁既酸菜魚，配料除左跟餐點既爽口黑木耳同芽菜之外，仲有追加老公最愛既鴨血。
香菜有好濃味酸菜、青花椒束，葱粒蒜蓉紅辣椒乾，形成一種香麻感較重既湯底，入口唔傖喉同水煮方式比較少左份重紅油地獄感覺。
魚肉鮮嫩白滑唔多骨，一啖湯再一塊魚片，嘴角慢慢感受到麻的效果，唔會辣到要揾紙巾凍飲急救。
食辣通常追加鴨血下湯最夾，薄薄地切開質感Q彈，吸埋湯什食燙口之中享受一份軟滑感。
薯粉做麵底又係絕配，麻香徹底地係脷根擴散，幾條一口滑嘟嘟啜食超柔軟，真係食哂都夠飽，嘴仔快要發麻！
另一款係泰皇海鮮味炒飯，飯粒吸收左海鮮醬味爆香好惹味，仲有魷魚粒帶子肉蟹柳絲火腿條同生菜絲炒埋一齊，口感豐富色澤金黃又夠油光，越食越開胃！
食完香辣野，飲杯冰凍夏日飲品甜返一下喉嚨，我叫左利賓納咸檸檬梳打特飲，甜甜地又少少咸sparkling飲完充滿能量，紅豆冰加奶特別解麻，杯底仲有好多紅豆肉食落透心涼。
Post
