餓虎藏龍

Open Now

Now Closed

今日帶咗阿仔嚟啟德運動園 Joypolis Sports Hong Kong 放電，跟住上咗樓上間紅噹噹嘅主題餐廳「臥虎藏龍」食飯。餐廳環境充滿特色，設計真係好有心思，有兩隻吉祥物，其中一隻係虎，另一隻係龍，令整體氣f氛更加有趣，環境仲好舒適。據職員介紹，呢間餐廳嘅廚師係由米芝蓮星級團隊所組成，所以食物出品自然有水準。今日食左嘅菜式包括…花生醬鹹蛋黃金沙單骨雞翼，外皮酥脆，醬汁惹味，一碟四隻，食完好味再叫多碟。炸粟米好精緻，鋪咗沙律醬喺面，非常特別。和牛漢堡包，好香牛味嘅漢堡好 juicy，配上即叫即炸嘅薯格，極度大滿足。日式拉麵，麵質彈牙，湯底濃鬱，半肥瘦嘅叉燒夠入味。飲品方面，阿仔點咗杯雙重朱古力，朱古力味好濃郁。而我叫左杯 Back to 18 嘅 Cocktail，新鮮士多啤梨汁同柚子汁調製，啱曬我呢啲鍾意甜酒嘅人。杯身仲黐咗啲碎花，靚到嚇親我。食完飯先發現餐廳連住一個半露天嘅用餐區，對到正體育園巨蛋，景觀非常開揚。餐廳仲歡迎寵物。下次過嚟試其他菜式嘅時候，一定要坐室外，感受更加好嘅用餐體驗。