Airsdie美食餐廳林立，由地下一樓到最頂六樓都有唔少餐廳嘅選擇，今次揀咗最頂6樓嘅滑浪餐廳，體驗吓一邊睇住人滑浪一邊食好嘢嘅感覺係點呢🤭？餐廳名叫浪谷，地方好大座位間亦夠闊，閑日餐廳較為人煙稀少，附近有演唱會同活動嘅時候餐廳就人山人海。
當晚同媽媽到餐廳見滑浪區域暫時關閉🥲可能天氣太凍加上餐廳冷氣強烈，驚客人冷親😂😂，浪谷比小妹的感覺似置身在沙灘上的餐廳咁，好Chill，感覺好似聽住海浪聲享用美食🥰
《浪谷》有好多創新嘅泰國日本菜式，小妹與媽點了兩款前菜、兩款主食、兩款甜品及兩杯飲品：
▫️黃金蓮藕片：蓮藕片做到超級薄，香脆可口，仲有少少辣，最佳嘅下酒菜！
▫️油甘魚柚子脆米（2件）：多數都係用拖羅蓉配脆米，呢度竟然將油甘魚配柚子的做法，油甘魚新鮮好味😋
🔺明太子忌廉烏冬：呢款烏冬平日俾人嘅印象通常都係熱辣辣，浪谷創新將佢變成冷烏冬，每條烏冬掛滿晒明太子，入口係明太子的獨特之鹹香，配埋頂頂嘅青瓜紫菜絲，增添了一份清爽感！
🔺和牛柳粒炒飯：有泰式菠蘿炒飯嘅味道，炒飯裏面有雞蛋、粟米仔、毛豆、紅椒、菇肉，色彩鮮艷又美味🤤唔覺唔覺好快又食晒😂
🔸梳乎厘芝士蛋糕：喺急凍咗嘅輕芝士蛋糕，第一啖食落非常似莎莉蛋糕，超級好食😍😍旁邊嘅生果好似精挑細選過，士多啤梨居然係甜嘅😋
🔸栗子蛋糕：蛋糕比較甜身，栗子忌廉係用真栗子整嘅，因為小妹唔鍾意食假嘅栗子cream，有種怪味🤭，呢碟蛋糕超有誠意，連側邊啲忌廉都食得出自己打！
🔹川寧洋甘菊茶
🔹川寧手伯爵茶
每人一壺熱茶，飲完仲可以加熱水，可能餐廳環境加上天氣寒冷，夜晚飲杯熱茶勁溫暖舒服😌超jeng
平日星期一至五下晝四點到晚上10點，有happy hour飲咗六個鐘，仲有買一送一優惠，同啲朋友閨蜜嚟呢度一路飲一路食黃金蓮藕片一路傾偈，唔使怕俾人趕走，不妨係一個好選擇😆
16
1
1
1
1
1
