Video
Read full review
2016-01-16
2895 views
牛奶姝的哥哥早前罕有地提出帶一家人去食餐好的~~咁難得的一餐飯，除了想好味外，都想食得特別D讓兩位少出街食(尤其是唔捨得出街食餐好的)老人家有較深刻的印象。兩老唔中意個種俾的錢去哂裝修度，中意真材實料食落肚的，經朋友介紹下選了這間火鍋店，看中他近來很流行的蒸海鮮鍋餐廳分6:30 - 8:30 時段和8:30 後，一星期前已訂好所以去到就有位。店內座位不多，要食真係要book 位~餐牌(有哂建議蒸的時間) 海鮮可以出去看住魚缸一路看一路選第一道海鮮- 花甲 未試過蒸海鮮有些雞手鴨腳，好在侍應示範放海鮮落個鍋，較好餐廳提供的小鬧鐘~~我們就開始等食花甲好鮮甜，完全無沙，對呢餐飯有信心啦，期待下一道菜細蝦仔 蝦新鮮到識跳，所以一定要用蓋蓋好細細隻但蝦肉尚算幾甜，可以連殻食登登登登~~~期待的大瀨尿蝦出場 成隻龍蝦咁大隻，食落口肉質很扎實，鮮甜彈牙，最重要係夠大隻多肉~~食落口啖啖肉好好味，一家人都讚不絕口，推介!!!連殻內的汁都來飲奄仔蟹 細細仔不過都有膏食，但咁細隻價錢重貴過大瀨尿蝦就不太抵食.......喜出望外的雞塊 雞真的有驚喜~~好甜好滑
牛奶姝的哥哥早前罕有地提出帶一家人去食餐好的~~咁難得的一餐飯，除了想好味外，都想食得特別D讓兩位少出街食(尤其是唔捨得出街食餐好的)老人家有較深刻的印象。兩老唔中意個種俾的錢去哂裝修度，中意真材實料食落肚的，經朋友介紹下選了這間火鍋店，看中他近來很流行的蒸海鮮鍋
餐廳分6:30 - 8:30 時段和8:30 後，一星期前已訂好所以去到就有位。店內座位不多，要食真係要book 位~
餐牌(有哂建議蒸的時間)
海鮮可以出去看住魚缸一路看一路選
第一道海鮮- 花甲
未試過蒸海鮮有些雞手鴨腳，好在侍應示範放海鮮落個鍋，較好餐廳提供的小鬧鐘~~我們就開始等食
花甲好鮮甜，完全無沙，對呢餐飯有信心啦，期待下一道菜
細蝦仔
蝦新鮮到識跳，所以一定要用蓋蓋好
細細隻但蝦肉尚算幾甜，可以連殻食
登登登登~~~期待的大瀨尿蝦出場
成隻龍蝦咁大隻，食落口肉質很扎實，鮮甜彈牙，最重要係夠大隻多肉~~食落口啖啖肉好好味，一家人都讚不絕口，推介!!!連殻內的汁都來飲
奄仔蟹
細細仔不過都有膏食，但咁細隻價錢重貴過大瀨尿蝦就不太抵食.......
喜出望外的雞塊
雞真的有驚喜~~好甜好滑，估唔到蒸雞都咁好味，成家人都懷疑老闆係米偷運D大陸新鮮雞來....
食完海鮮係鍋底有一鍋粥，收集哂剛剛蒸的海鮮滴出來的精華~~不過個人還是喜歡拎住隻蝦啖啖肉咁食
整體很滿意的一餐，成家人都捧住個肚走
Post
