韓盛朗 (Closed)

今日去朋友屋企玩，佢推介食呢間韓國菜，嗌咗隻原味炸雞、魚糕湯、泡菜薄餅，同韓式炒粉絲。老闆應該係韓國人，唔係好識講中文，所以都幾期待味道應該幾正宗。食物方面，個人覺得必食炸雞，啲肉好嫩滑仲要去晒骨，啱晒我呢啲懶人。魚糕湯同韓國街邊食嘅有啲分別，如果啲魚糕可以大片啲用牙籤串住，個湯重啲胡椒，咁就更加有風味。炒粉絲都讚，炒得好乾身，同埋用咗隻粗啲嘅粉絲，夾落唔會痴住。最後嘅泡菜薄餅就酸咗啲同埋有啲乾，試咗一塊就停手了。