店家有八款漢堡提供，可轉餐，就有小食同飲品。價錢由48蚊起，豐儉由人。
落完單大概廿十分鐘有得拎，叫左兩個包，仲加埋小食同飲品轉做餐。
酥皮龍蝦Burga
呢款好特別，用酥皮代替麵包，咬落又香又脆，滿滿的牛油香，中間夾著龍蝦肉打成的蝦餅，醬汁都係龍蝦汁黎，整個包充滿著龍蝦味勁正。
鹹魚肉餅Burga
自己點左呢款港式口味，鹹魚肉餅都可以做漢堡咁得意？中間塊漢堡扒係豬肉餅，仲混左鹹魚蓉係入面，塊扒好彈牙喎幾好味，麵包鬆脆，用羽衣甘藍取代生菜，多了一份口感之餘仲帶有少許苦澀味，令漢堡味道更有層次。
炸腐乳雞塊
其中一份小食要了炸雞塊，腐乳味好特別呀，咬落又香又脆仲好有肉汁添，啲腐乳味漸漸浸出黎，意外地濃郁喎，有創意又好味。
紫薯條
另一個小食揀左紫薯條，勁重紫薯味，大大條有咬口。
芝士黑松露醬&超人醬
醬汁就揀左呢兩款，因為個腐乳雞同紫薯條本身已經好好味，啲醬相反無乜點過添，印象中個超人醬唔係好重鹹蛋黃味，仲太杰身好似啫喱咁，哈哈。
可樂&雀巢檸檬茶
跟餐嘅汽水，正常汽水機嘅汽水味囉。
啲野真係幾好食，最驚喜係腐乳雞，呢個真係超正，好似見到佢有炸雞餐，三粒唔夠喉，要叫一盒獨食先得。
