富田和食亭 (Closed)

平時我都好喜歡食日本野，去日本旅行，更不用講啦！百去不厭，何況是食物，更不用多說！朋友間，都是喜歡到處找食的知心友，行到邊食到邊，不在話下。咁啱，成班朋友去完露營，餓左兩日，出到市區，難免會儘情地去食返餐，又行開這個商場，食得飽飽回家去。因位置商場及屋邨，人流自然多，晚飯時段更客滿。魚生刺身，新鮮鮮味，蝦刺身，鮮甜彈牙爽口，仲有海水味，三文魚肥美厚身，油脂均勻分布，吞拿魚鮮甜。炭烤豬頸肉，啖啖密糖燒烤香味，燒得唔乾身，肉汁鮮美多汁，爽口唔油膩。蒜蓉/芝士焗蠔，蠔隻比較細少，但都鮮味，芝士夠濃，蒜蓉夠香味。鹽燒秋刀魚、燒蝦、菠蘿，甜番薯。秋刀魚燒得剛好，肉質結實，淋上檸檬，提鮮，外皮脆口。海蝦，肉質彈牙爽肉，鮮甜美味。菠蘿、甜番薯，清甜可口。壽司，雖然是放題，但都一樣做得大大件，用料十足。天婦羅炸物，件件脆口，蝦肉爽甜彈牙，南瓜、番薯清甜。