好德來小籠包店 (Closed)

星期日九點鐘去到，得幾張枱，可能落大雨又適逢明天要上班，所以人流稀疏。今次照舊叫獅子頭、招牌鍋貼，呢兩樣野係鋪頭嘅招牌菜，從來冇失水準。另外試了擔擔面、蔥油餅、豬扒。擔擔麵一碗要＄59，確實昂貴，碗麵唔大碗，只夠1人分量，花生蝦乾係有，不過唔多，麵質也沒有什麼特別，碗麵只值一半價錢。（其實本來想叫白飯,估唔到未夠九點就已經賣晒); 蔥油餅我以為一塊塊薄片，有好多蔥，上碟見到一個類似水泡餅的蔥油餅，外表係脆,不過唔夠蔥。豬扒今次食落去覺得怪怪，豬扒味道係好，但肉質完全冇晒結構，軟綿綿感覺，無乜咬口及彈力。