個無敵海景真係好舒服！！先講下服務，因為我地坐左係室外，有時職員可能會忽略左，所以如果有野要搵職員都要等耐少少，不過服務都算唔錯。
食物方面，望落個賣相唔錯，同埋食物種類都ok。有海鮮、麵包、甜品，好興奮咁諗住開餐，點知……食第一啖生蠔……errrr...ummmm..唔新鮮，一啖都唔想吞落去
生蠔唔得就寄望甜品會好d啦，但連甜品麵包都麻麻地。前面既意式甜甜圈冇咩特別，後面既燒龍蝦尾唔好食，好乾。
本身唔係好鍾意鵝肝醬，所以鵝肝醬伴麵包及黑醋就冇試到，但朋友話味道都怪怪地。
煙三文魚三文治就普普通通，正常既。
開心果奶凍就冇咩開心果味，其他鮮果撻、芝士蛋糕就味道一般，不過不失
價錢包2杯野飲，叫左2杯cocktail，飲品都ok.
我覺得咁既價錢可以食更高質素的下午茶set....應該唔會有第二次。
