屋子生活 (Closed)

呢間野一開張嘅時候好多人，我好耐之前食過一次，排隊都排左半個鐘，依家開咗一排情況就好少少。佢啲枱櫈全部都好得意，Menu又整到好似小學生啲簿咁，環境係幾好嘅。今次呢度嘅甜品好吸引，不過主食方面，份量就真係有啲少，好似個飯團餐，其實真係食兩啖就ko 左，而另外一個五花腩都唔係話特別吸引，其他小食份量都小。講返甜品，有個伯爵茶千層蛋糕又真係幾好食，入面有d nuts ，好有口感，造型都靚。另外嘅甜品唔食得都睇得！總括嚟講，呢度嘅環境同甜品係ok 但主食就真係份量太小，最好食飽先過嚟食甜品！