夜晚收工成9點，打去問10點有冇位，好好彩有位
之前試過佢哋嘅胡椒豬肚雞湯，食完加湯再打邊爐，都好惹味，但個湯會愈食愈鹹
今次試食招牌雞煲，可以加配菜，冇咁單調，味道偏甜，香辣味夠，唔係麻辣嗰種味道，一味得個辣
打邊爐配菜唔多選擇，牛都係基本幾款，有手切牛，當然要一試啦，切得合格，起碼唔會碎濕濕，一片片，但比較厚身，好容易會淥得過熟，切得薄啲會更好，牛味濃，價錢348大份的，但大份的都好細份，我一個女仔都可以食得曬
，對比附近的火鍋店差不多價錢，分量真的偏少咗椒鹽粟米算係招牌菜，當然水準保持，唔會炸到油淰淰，入口夠乾身，椒鹽鹹味加粟米甜味，反而好夾，唔錯唔錯
如果大家去試，可以試下佢哋啲炒嘢，見到好多客都叫炒嘢食，應該都值得一試。
1
